ڕێکەوتی ئاشکرا کردنی ئۆتۆمبێلی کارەبایی Hummer بە هۆی ڤایرۆسی کۆرۆناوە دواخرا

ئۆتۆمبێل
30, نیسان 2020

کۆمپانیای جەنەڕاڵ مۆتۆرزی ئەمریکی ڕێکەوتی ئاشکرا کردنی ئۆتۆمبێلی کارەبایی نوێی Hummer ـی بە هۆی ڤایرۆسی کۆرۆناوە دواخست.

وا بڕیار بوو ئۆتۆمبێلی کارەبایی Hummer، کە دەبێتە یەکەمین مۆدێلی کارەبایی لە ئۆتۆمبێلەکە، لە ڕێکەوتی 20 ـی مانگی داهاتوو (مایس) ـدا نمایش بکرێت، ڕێکەوتی نمایشکردنی تاوەکو کۆتاییەکانی ساڵی 2021 بە هۆی کارەساتی ڤایرۆسی COVID-19 ـی ناسراو بە کۆرۆناوە دواخرا.

تاوەکو ئێستا کۆمپانیای جەنەڕاڵ مۆتۆرز ڕێکەوتێکی دیاریکراوی بۆ نمایشکردنی ئۆتۆمبێلە کارەباییەکە ئاشکرا نەکردووە، تەنها ئەوە نەبێت کە گوتی لە ساتەوەختێکی کۆتاییەکانی ساڵی 2021 ـدا نمایش دەکرێت.

کۆمپانیاکە ئەوەشی ئاشکرا کرد کە تاوەکو ئێستا بەرهەمهێنانی ئۆتۆمبێلە کارەباییە نەوەستێندراوە بە هۆی ڤایرۆسەکەوە.

کۆمپانیای جەنەڕاڵ مۆتۆرز لە کانوونی دووەمی ئەمساڵ و لە دوای 10 ساڵ، ئۆتۆمبێلی Hummer بە بزوێنەری کارەبایی و توانای 1,000 ئەسپەوە ڕاگەیاند، کە توانای دەبێت لە 3 چرکەدا لە 0 بگات بە 60 میل و لە ژێر براندی GMC ـدا درووست دەکرێت و دەفرۆشرێت.

About ماکوان بەرزان

Check Also

سوود وەر بگرن لە سکان کردنی بەڵگەنامەکان لە ڕێگەی ئایفۆنەوە بە شێوەی کۆنتڕۆڵ کراو لە لایەن ماکەکانەوە

ئەپڵ 1, ئازار 2021     ئەپی Notes لە ئایفۆنەکان بە شێوەیەکی زۆر باش گونجێندراوە …

Leave a Reply

Your email address will not be published. Required fields are marked *