لە ئەمساڵدا تۆڕی Telegram پەیوەندیکردنی بە کۆمەڵی پارێزراو بەردەست دەکات

تۆڕە کۆمەڵایەتییەکان
26, نیسان 2020

گەشەپێدەرانی ئەپی نامەبەری Telegram ڕایانگەیاند کە سەرقاڵی پەرەپێدانی تایبەتمەندی پەیوەندیکردنی بە کۆمەڵی پارێزراون بۆ تۆڕەکە.

کۆمپانیای Telegram ڕایگەیاند کە لە ئەمساڵدا تایبەتمەندی پەیوەندیکردنی بە کۆمەڵی پارێزراو بۆ تۆڕەکەیان زیاد دەکەن، Telegram دەڵێت هۆکاری زیادکردنی ئەم تایبەتمەندییە بۆ ئەوە دەگەڕێتەوە کە ئەو خزمەتگوزارییەکانی پەیوەندیکردنی بە کۆمەڵ لە ئێستادا هەن، پارێزراو نین و کێشەی ئاسایشییان هەن، هەروەها هیچ کامێکیان خاوەن تایبەتمەندی بە کۆدکردنی بێکۆتا (End-to-End Encryption) نین.

هەر بۆیە Telegram دەیەوێت ئەم کێشەیە چارەسەر بکات. شتێکی شاراوە نییە کە زۆرینەی خزمەتگوزارییەکانی پەیوەندیکردنی بە کۆمەڵ کێشەی ئاسایشییان هەن، هەر بۆ نموونە ئەپی Zoom، کە لە ماوەی ڕابردوودا و بگرە تاوەکو ئێستاش ڕەخنە لەسەر ئاسایشە لاوازەکەی دەگیرێت.

بە پێی کۆمپانیای Telegram بێت، تۆڕەکەیان لە ئێستادا زیاد لە 400 ملیۆن بەکارهێنەری چالاکی ڕۆژانەی هەیە، کاتێک پار ساڵ ئەم ژمارەیە 300 ملیۆن بوو. هەروەها ڕۆژانە 1.5 ملیۆن بەکارهێنەر تۆماری تۆڕەکە دەبن و لە زیاتر لە 20 وڵاتدا یەکەمین ئەپی کۆمەڵایەتی زۆرترین داگیراوە. لە پاڵ ئەوەش، تاوەکو ئێستا 20,000 لەزگە (ستیکەر) لە ناو تۆڕەکەدا بوونی هەیە.

About ماکوان بەرزان

Check Also

چۆنییەتی ناچالاک کردنی پێشنیارەکانی تەختەکلیل لە وەشانی ئەندرۆید 11

ئەندرۆید 23, تشرینی یه‌كه‌م 2020 لەگەڵ هاتنی وەشانی ئەندرۆید 11، چەندین تایبەتمەندی نوێ بۆ گەشەپێدەران …

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *