بیستۆکی بێوایەری سەر گوێیی ئەپڵ شێوەگۆڕ دەبێت – کەی ئای تی ئێن

ئامێرە هەمەجۆرەکان
17, نیسان 2020

ئەگەر ئاگاداری دەنگۆیەکان بووبیت، دەزانیت کە لە ساڵی 2018 ـەوە دەنگۆیەک هەیە سەبارەت بە ڕاگەیاندنی بیستۆکێکی بێوایەری سەر گوێیی لە لایەن ئەپڵەوە. دەنگۆ نوێیەکانی ئەم ماوەیە دەڵێن ئەمە لە ئەمساڵدا ڕوودەدات.

ڕاپۆرتێکی نوێی پێگەی Bloomberg ئاشکرای دەکات کە ئەپڵ کار لەسەر گەشەپێدانی بیستۆکێکی بێوایەری سەر گوێیی دەکات کە بەکارهێنەران بتوانن گۆڕانکاری لە شێوەکەیدا بکەن، ئەویش بە لێکردنەوەی پارچەکانی لە کاتی ئەنجامدانی ڕاهێنانە وەرزشییەکان یاخود هەر کاتێکی دیکە. هەروەها پشتگیری لە یاریدەدەری دەنگی Siri و کۆنتڕۆڵی دەنگی دەکات و خاوەن تایبەتمەندی کەمکردنەوەی ژاوەژاو و جوڵەی بنیادنراو دەبێت.

ئەم شێوەگۆڕییەی بیستۆکە بێوایەرە سەر گوێییە نوێیەی ئەپڵ، هاوشێوەی دەستبەندی کاتژمێرە زیرەکەکانی کۆمپانیاکە وایە، کاتێک بەکارهێنەران دەتوانن لە کاتی وەرزشکردندا دەستبەندی کاتژمێرەکە بگۆڕن و دەستبەندێکی وەرزشی بۆ دابنێن.

پێشبینی دەکرێت ئەم بیستۆکە بێوایەرە سەر گوێییە نوێیەی ئەپڵ هاوشێوەی بیستۆکەکانی Sony 1000XM3 و Bose Headphones 700 وابێت و لە کۆتاییەکانی ئەمساڵدا بە نرخی دەوروبەری 350-400$ بەردەست بکرێت.

About ماکوان بەرزان

Check Also

ئۆنەر زنجیرە مۆبایلی Honor 50 5G بە خزمەتگوزارییەکانی کۆمپانیای گووگڵەوە نمایش کرد

مۆبایل و تابلێت 16, حوزه‌یران 2021 لە کۆتاییدا ئۆنەر زنجیرە مۆبایلی Honor 50 بە خزمەتگوزارییەکانی …

Leave a Reply

Your email address will not be published. Required fields are marked *