بەردەستکردنی ئایفۆنە نوێیەکانی ئەمساڵ دواناخرێت – کەی ئای تی ئێن

ئەپڵ
30, ئازار 2020

لە چەند ڕۆژی ڕابردوودا ژمارەیەک دزەپێکراو ئاشکرایان کرد کە ئەگەر زۆرە بەردەستکردنی ئایفۆنە نوێیەکانی ئەمساڵ بۆ 1 تاوەکو 2 مانگ دوابکەوێت بە هۆی قەیرانی کەمی پارچە و نەبوونی خواست لەسەر بەرهەمە تەکنەلۆژییەکان بە هۆی ڤایرۆسی کۆرۆناوە.

پێگەی Bloomberg ئەو دەنگۆیانە ڕەت دەکاتەوە و لە نوێترین ڕاپۆرتیدا ڕایدەگەیەنێت کە بەردەستکردنی هیچکام لە ئایفۆنە نوێیەکانی ئەمساڵ دواناخرێت و یەکەمین ئایفۆنەکانی پشتگیر لە 5G لە ئەمساڵدا بە بێ دواخستن بەردەست دەکرێن.

پێگەکە دەڵێت کۆمپانیای Foxconn ـی درووستکەری ئایفۆنە نوێیەکان دەستی بە کارکردنی ئاسایی خۆی کردووەتەوە و ژمارەی پێویستی لە کارمەندەکانی بە پێدانی بەخشیش گەڕاندووەتەوە سەر کار، بەمەش تاوەکو ئێستا ڕێکەوتی بەردەستکردنی ئایفۆنە نوێیەکانی ئەمساڵ وەک خۆی ماوەتەوە.

هەمان پێگە لە سەرەتاکانی ئەمساڵدا ڕایگەیاند کە پێناچێت بەردەستکردنی ئایفۆنە نوێیەکانی ئەمساڵ دواخستن بە خۆیەوە ببینێت، لەبەر ئەوەی بەرهەمهێنانیان لە مانگی مایسدا دەست پێدەکات.

هەر سەبارەت بەمە، لە چەند ڕۆژی ڕابروودا پێگەی Reuters ڕایگەیاند کە ئەپڵ بەردەستکردنی ئایفۆنە نوێیەکانی ئەمساڵ دوادەخات، بەڵام ئەگەر هەیە کە لە ڕێکەوتی ڕاستەقینەی خۆیاندا بەردەست بکرێن.

پێشبینی دەکرێت لە ئەمساڵدا ئەپڵ 3 جۆر ئایفۆن بە قەبارەکانی 5.4 و 6.1 و 6.7 ئینج ڕابگەیەنێت، کە سەرجەمیان خاوەن ڕوونمای جۆری OLED دەبن و پشتگیری لە نەوەی پێنجەمی پەیوەندی 5G دەکەن، وە چوارچێوەکانیان تەخت دەبن هاوشێوەی iPhone‌‌ 4 یاخود iPad Pro.

About ماکوان بەرزان

Check Also

بە فەرمی مۆبایلی Oppo K9 5G بە چیپسێتی Snapdragon 768G و ڕوونمای 90 هێرتز و زیاترەوە نمایش کرا

ئۆپۆ 7, ئایار 2021     ئۆپۆ ئەمڕۆ بۆنەیەکی گەورەی هەبوو لە وڵاتی چین و …

Leave a Reply

Your email address will not be published. Required fields are marked *