كى له‌ به‌ره‌ى موسڵ سه‌ركردايه‌تى داعش ئه‌كا؟

شه‌فه‌ق نيوز/ وه‌ل پيشڕه‌وى هيزه‌يل حكومى عراقى له‌ نۆڤه‌مبه‌ر/ ته‌شرين دويه‌م وه‌ره‌و ديم ئه‌و ناوچه‌ ك ئه‌بو رامى له‌تى نيشته‌جيه‌ له‌ خوه‌رهه‌ڵات شار موسڵ، شماره‌يگ له‌ تونڕه‌وه‌يل ريكخرياگ داعش چينه‌ ناو ماڵه‌گه‌ى و وه‌ زوور چه‌ك ناچارى كردن خوه‌ى خيزانى يه‌كسه‌ر ده‌ربچێد.

 

يه‌كيگ وه‌ل ئه‌و تونڕه‌وه‌يله‌ ك عراقى بوى، ئه‌بو رامى هه‌ناى چه‌وى كه‌فته‌پى‌ ناسيه‌ى، چه‌كداريگ ريشدار و تفه‌نگيگ قه‌ناس وه‌ده‌سيه‌و بوى و ئه‌بو رامى باوه‌ڕى ئه‌وه‌ بوى ئه‌و كاربرا رووسى يا شيشانيه‌.

 

دوياى 11 رووژ هه‌ناى ك ئه‌بو رامى گله‌وخوارد، جه‌نگ ته‌مام بوێد و تونڕه‌وه‌يل هه‌يواوين، وه‌لێ بوردمان ئاسمانى ماڵه‌گه‌ى ويران كردوێد و ئه‌ندامه‌يل خيزانه‌گه‌يشى له‌ناونى قه‌وم وخيشه‌يلى به‌شبه‌شه‌و بوين.

 

له‌وه‌رده‌م زبڵ ماڵه‌گه‌ى شماره‌يگ پياو جه‌مه‌و بوين له‌ده‌ور چاڵاويگ ئاو وه‌خاتر ئه‌وه‌گ ئاو ده‌سيان بكه‌فێد، ئه‌ويش دوياى ئه‌وه‌گ زه‌رده‌ ره‌سوێده‌ لويله‌يل ئاو، ك ئه‌بو رامى باس له‌وه‌ كردياد گشت وه‌ختيگ ويرانكارى روى ئه‌ياد و خاسه‌وكردنيش وه‌خت فريه‌يگ ئه‌كيشێد.

 

كرده‌وه‌يل موسڵ له‌گشت جه‌نگه‌يل تر سه‌ختتر بوى له‌ عراق هه‌ر له‌ سه‌ره‌تاى داگيركارى وڵاته‌يل يه‌كرتگ له‌ 2003، ك هيزه‌يليگ وه‌ نزيكه‌ى سه‌د هه‌زار كه‌سه‌و له‌ هيزه‌يل حكومى عراقى و پۆليس و هيزه‌يل ئاسايش كورد و جه‌نگاوه‌ره‌يل تر ك زوورميان شيعه‌ن به‌شدارن له‌تى.

 

وه‌ل زاڵبوين حكومه‌ت له‌بان گشت خوه‌رهه‌ڵات موسڵ تاڕاده‌يگ، زوورم مه‌ردم شاره‌گه‌ مه‌ندنه‌ ك باوه‌ڕيان ئه‌وه‌سه‌ ئه‌رك سوپا دراوردن ترۆريسته‌يل و مقه‌يه‌تيكردنه‌ له‌ سه‌ڵامه‌تييان له‌و ناوچه‌يله‌ ك له‌تيان وجوود ديرن.

 

له‌ى باوه‌تيشه‌و مه‌ردمانيگ له‌ حه‌يولموحاربين باس له‌و روێداگه‌يله‌ كردن ك وه‌چه‌و خوه‌يان دينه‌سه‌ى له‌ جه‌نگ له‌ ناوچه‌يل جياجيا له‌ شاره‌گه‌.

 

ئه‌بو رامى وت: تونڕه‌وه‌يل ساتر ئه‌را خوه‌يان له‌ جاده‌ دروسكردنه‌ له‌وه‌ر دويره‌وخستن مه‌ترسى سوپاى عراقى له‌ خوه‌يان له‌وه‌ختيگ ك له‌ ماڵيش ده‌رچن ئه‌را نماز له‌ مزگفتيگ ك قه‌ناس وه‌ده‌سه‌يل مقه‌يه‌تى له‌لى ئه‌كه‌ن.

 

تونڕه‌وه‌يل سه‌ياره‌يگ مينڕيژكرياى له‌وه‌رده‌م ماڵه‌يل ئه‌بو رامى هيشتن ئه‌را ماوه‌ى فيشتر له‌ يه‌ك هه‌فته‌، هه‌ناى ك جيوازيشى كردن ئه‌را جاده‌يگ سه‌ره‌كى ده‌بايه‌يگ سه‌ر وه‌ سوپاى عراقى بوردمانى كرد و بويه‌ هووكار رمانن ماڵه‌يل ده‌ورگرديشى.

 

ئه‌بو رامى ك وه‌زيفه‌كاريگ وه‌رينه‌و ته‌مه‌نى 54 ساڵه، باس له‌وه‌ كرد ك به‌ش كار له‌ ڕزه‌يل داعش له‌ به‌ره‌يل نوايين جه‌نگ ئه‌وه‌سه‌ ك بڕيگ مه‌ردم ته‌قينه‌وه‌يل نه‌نه‌ چاڵ و بڕيگيش قه‌ناس ها ده‌سيان و بڕيگيش رينيشانده‌رن له‌بان ڕى.

 

ئه‌بو رامى ئاماژه‌ وه‌ يه‌يش كرد و وت: قه‌ناسه‌ وه‌ده‌سه‌يل يا خه‌ڵك شيشان يا ئه‌فغانيين، وه‌لێ عراقيه‌يل فريه‌يگ له‌ليان خه‌ڵك شار موسڵ و شار ته‌لعه‌فه‌رن و هه‌ميشه‌ وه‌ ماتۆڕه‌سكڵه‌و گڕ خوه‌ن.

 

وه‌ل ئه‌وه‌يشا ئه‌بو رامى سه‌رى سوڕمه‌ند هه‌ناى ك چه‌وى كه‌فته‌ قه‌ناسه‌ وه‌ده‌سيگ له‌وه‌ختيگ هاتنه‌ ناو ماڵةگه‌ى و وه‌ زووان عه‌ره‌بى ناته‌ماميگه‌و قسه‌ كردياد و داوا له‌لى كردياد ماڵةگه‌ى چووڵ بكا.

 

باس له‌وه‌يش كرد ك قه‌ناسه‌ وه‌ده‌سه‌يل ناوچه‌گه‌ ناناسن و له‌ هه‌مان وه‌خت ماتۆڕسواره‌يليش ڕى وه‌ خوه‌يكوشه‌يل نيشان ئه‌يه‌ن ئه‌را ئه‌وه‌گ وه‌ سه‌ياره‌يل مينڕيژكرياى شوونه‌يل بگرنه‌ ئامانج.

 

ستيف تاونسند جه‌نراڵ ئه‌مريكى و سه‌ركرده‌ى هاوپه‌يمان ناوده‌وڵه‌تى ك پشتگيرى هيزه‌يل عراقى ئه‌كا، باس له‌وه‌ كرد ك سه‌ركردايه‌تى عراقى ئسپات توانايى و كارايى خوه‌ى كردگه‌، وه‌لێ يه‌يش ده‌رخست ك شانه‌يل جياجيا له‌ كويچه‌يل تر جياجياى ناوچه‌يل موسڵ ناتوانايى وه‌پيانه‌و دياره‌.

 

وه‌رپرسيگ تر له‌ سوپاى ئه‌مريكى باس له‌وه‌ كردو وت: ئه‌و چه‌كداره‌يله‌ ك هيزه‌يل هاوپه‌يمان چه‌وديرى جموجويله‌يليان ئه‌كا وه‌ دقه‌ته‌و له‌ ناوچه‌يل ده‌ورگرد موسڵ، هه‌ميشه‌ مه‌ردمانيگن بيگانه‌.

 

هاووڵاتييگ تر له‌ حه‌يولمحاربين ك نه‌تواس ناوى ئاشكرا بدێ، وت: چه‌كداره‌يل داعش له‌ بنگه‌يگه‌و ده‌س ئه‌كه‌نه‌ ته‌قه‌ ئه‌را ماوه‌ى چه‌ن ده‌قه‌يگ تا ئه‌وه‌نه‌ سوپا ده‌سنيشان ئه‌و بنگه‌ بكاو ئه‌وانيش له‌و وه‌خته‌ هه‌يوان وه‌ره‌و شوونه‌يل تر.

 

ئه‌و هاووڵاتيه‌ يه‌يش باسكرد ك دوياى ئه‌و پلانيشه‌ ك ئه‌را جيوازبوينيان ئه‌نجامى ئه‌يه‌ن، يه‌كسه‌ر چه‌كداره‌يل ريكخرياگ ترۆريستى داعش ده‌س ئه‌كه‌نه‌ ته‌قه‌، وه‌لێ له‌ هه‌مان وه‌خت سوپاى عراقيش ده‌س ئه‌كاده‌ بوردمانكردن بنگه‌يل داعش و ئه‌و شوونه‌يله‌ ك قه‌ناسه‌ وه‌ده‌سه‌يل له‌ليه‌و ته‌قه‌ ئه‌كه‌ن، هه‌ر وه‌و خاتريشه‌ جاريگتر قه‌ناسه‌ وه‌ده‌سه‌يل شوونه‌يل خوه‌يان ئاڵشت ئه‌كه‌ن.

 

 


Source link

About Hooshyar

Check Also

ئەمەریکا سزای نوێ بەسەر ڕژێمی ئێراندا دەسەپـێنێت

ویلایەتە یەکگرتووەکانی ئەمەریکا سزای نوێی بەسەر دامودەزگاکانی ڕژێمی ئێران سەپاند و ئەم جارە گروپـێکی کردووەتە …

Leave a Reply

Your email address will not be published. Required fields are marked *