جيوه‌جيكار په‌لاماره‌گه‌ى ميونخ كى بوى؟

دوياى ئه‌وه‌گ سه‌رچه‌وه‌يل ئاسايشى لێدوان دان له‌بان ئه‌وه‌گ شايه‌تحاڵه‌يل چه‌ويان كه‌فته‌سه‌ 3 چه‌كدار له‌ ده‌ورگرد بازاڕه‌ بازرگانيه‌گه‌، پۆليس ئه‌و ناوچه‌ وه‌ فه‌رمى ئاشكراى ئه‌وه‌ كرد ك ئه‌و كرده‌وه‌ جايه‌ڵيگ وه‌ ره‌گه‌ز ئه‌ڵمانى ئه‌نجامى داگه‌و له‌ بنه‌چه‌كه‌و ئيرانيه‌.

تا نيمه‌ڕوو رووژ شه‌ممه‌ى گوزه‌يشت وه‌ فه‌رمى ئاشكراى ناو ئه‌و ته‌قه‌كه‌ره‌ نه‌كريا ك له‌شار ميونخ له‌دايگ بويه‌و له‌هه‌مان خوه‌ندنگاى ئه‌و شاره‌ خوه‌ندگه‌، ك بڕيار دا ته‌قه‌ له‌ ريوار و ره‌وه‌نه‌يل بكا له‌ نزيك و له‌ناو ناوه‌نديگ ئۆڵه‌مپى بازرگانى و بويه‌ هووكار كوشيان 9 كه‌س و زه‌خمداركردن شماره‌يگ تر وه‌رجه‌ ئه‌وه‌گ خوه‌ى وه‌ ده‌مانچه‌ بكوشێد.

هۆبه‌رتۆس ئه‌ندرى سه‌ركرده‌ى پۆليس ميونخ له‌ كۆنگره‌يگ رووژنامه‌گه‌رى وت: وه‌ گووره‌ى به‌ڵگه‌يليگ ك كه‌فته‌سه‌ ده‌سمان ئه‌وه‌ ده‌ركه‌فێد ك ئه‌و ته‌قه‌كه‌ره‌ تومه‌تبار بويه‌ وه‌ كيشه‌يليگ په‌يوه‌سه‌ وه‌و سائه‌قڵه‌يله‌ ك كرده‌وه‌يل كوشتن ئه‌نجام دانه‌.

ئه‌ندرى باس له‌وه‌ كرد و وت: ئى ته‌قه‌كه‌ره‌ نزيكه‌ى 300 گوله‌ وه‌پى بويه‌، وه‌لێ به‌ڵگه‌ له‌بان ئه‌وه‌ نه‌يريم كه‌سه‌يل تر وه‌ليا بوينه‌.

ئه‌ندرى له‌ هه‌مان وه‌خت وجوود په‌وه‌ندى له‌ناونى جيوه‌جيكار ئه‌و په‌لاماره‌ و ريكخرياگ داعش خسته‌ دروو دوياى ئه‌وه‌گ ده‌سڵاته‌يل ئاسايشى ماڵه‌گه‌ى وشكاننه‌و باس له‌وه‌يش كرد ك په‌يوه‌ندييش وه‌ په‌ناره‌يليش نه‌يرێد.

وه‌ل ئه‌وه‌يشا رۆبه‌رت هايمبرغر سه‌ركرده‌ى پۆليس تاوانه‌يل له‌ بافاريا وت: جيوه‌جيكار ئه‌و په‌لاماره‌ له‌ويا دياره‌ چيه‌سه‌ ناو هساويگ فه‌يسبوك و نامه‌ى داوه‌ت ئه‌را كه‌سه‌يليگ ره‌وانه‌ كردگه‌ تا بان وه‌ره‌و بازاڕه‌ بازرگانيه‌گه‌ تا خه‌ڵات وه‌پيان بدريه‌ێد وه‌په‌تى.

له‌و نامه‌ ك له‌بان ماڵپه‌ڕ فه‌يسبوك و له‌ لاپه‌ڕه‌ى تايبه‌ت خوه‌ى ره‌وانه‌ى كردگه‌، داوه‌ت مه‌ردم له‌تى كردگه‌ ئيواره‌ له‌ سه‌عات 14:00 بچن وه‌ره‌و ئه‌و بازاڕ بازرگانيه‌و له‌تى نويساگه‌: چشتيگ وه‌پيدان ئه‌يه‌م ئه‌گه‌ر بخوازين، وه‌لێ نه‌ك وه‌ نرخ.

هايمبرغر هه‌ميش وت: دياره‌ ئه‌و ته‌قه‌كه‌ره‌ يه‌كسه‌ر دوياى نويسانن ئه‌و نامه‌ بڵاويه‌و كردگه‌ تا مه‌ردم له‌ وه‌خت دياريكرياگ روى له‌و بازاڕ بازرگانيه‌ بكه‌ن.

ئه‌ندرى وت: په‌يوه‌سه‌گه‌ ئاشكراس له‌ناونى ئه‌و ده‌سدريژيه‌ ك روێداو بويه‌ هووكار كوشتن 9 كه‌س له‌ ميونخ و ئه‌و كاره‌ساته‌ ك روێدا له‌ نه‌رويج وه‌رجه‌ 5 ساڵ(له‌ 22 يۆليۆ 2011)ك 77 كه‌س له‌تى بوينه‌ قوربانى و له‌لايه‌ن كابرايگه‌و وه‌ناو بريفيك ئه‌نجام دريا.

وه‌لێ ئه‌ندرى په‌يوه‌سبوين ناونى جيوه‌جيكار په‌لاماره‌گه‌ى ميونخ و په‌لاماره‌ده‌ره‌گه‌ى نه‌رويج ده‌رنه‌خستگه‌، وه‌لێ له‌هه‌مان وه‌خت وتگه‌: جيوه‌جيكار په‌لاماره‌گه‌ى ميونخ له‌ژير چاره‌سه‌ر ده‌روينى بويه‌ و سه‌ر وه‌ هويچ مه‌زه‌ويگ سياسى نه‌ويه‌.


Source link

About Hooshyar

Check Also

حەسەن ڕۆحانی ئاگاهیدەدات بە نەیارانی ئێران

سەرۆکی کۆماری ئیسلامی ئێران، ئیسرائیل گوناهباردەکات بە کوشتنی موحسن فەخریزادە، زانای ناوداری ئەتۆمی و هەروەها …

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *