مه‌ردم ڕقه‌ وه‌ى جووره‌ ژيه‌ن!!

داعش له‌ ڕقه‌ له‌وه‌ركردن جنگ يه‌كڕه‌نگ له‌بان ئافره‌ته‌يل چه‌سپانگه‌و عاباى سيه‌يش جوور جنگ فه‌رمى ئه‌را ژن له‌ ده‌يشت ماڵه‌گه‌ى ديارى كردگه‌، يه‌يش وه‌ گووره‌ى شايه‌تى دو ئافره‌ت سوورى ك تويه‌نستن باس له‌ بڕيگ لايه‌ن ژيان بكه‌ن له‌ شار له‌ڕى كاميراى شارياگه‌و.

له‌ گرته‌يگ ڤيديۆيى ك له‌بان يوتيۆب له‌لايه‌ن رووژنامه‌ى “ئيكسبريسن” سويدى بڵاو كريا، بڕيگ چه‌كدار ده‌مچه‌وپووشياگ ڕى ئه‌كه‌ن له‌ جاده‌و نواى ئافره‌ته‌يل ئه‌گرن تا بزانن گشت جه‌سه‌يان وه‌ ته‌مامى پووشياگه‌!

ئمجا له‌ گرته‌يل ڤيديۆيى يه‌كيگ له‌و دو ئافره‌ته‌ سووريه‌ گير درياگه‌ ك گرته‌ ڤيديۆيه‌گه‌ گرتنه‌، ئه‌ويش له‌وه‌ر پيلانيگ تا بار پووشانن سه‌رپووشه‌گه‌ى راسه‌و بكا وه‌ گووره‌ى ئه‌و فه‌توا ك ريكخرياگ تونڕه‌وى په‌يڕه‌وى ئه‌كا.

له‌ى باوه‌تيشه‌و، داڵگ محه‌مه‌د ك وه‌ل داڵگ عومران ئه‌و گرته‌ ڤيديۆييه‌ گرتنه‌، باس له‌وه‌ ئه‌كا ك چه‌وه‌ى وه‌و چه‌كداره‌يل داعشه‌و بويه‌ ك چوين جايه‌ڵ جوانيگ له‌وه‌رچه‌و مه‌ردم دانه‌ له‌سێداره‌.

داڵگ محه‌مه‌د ئويشێد: مه‌سه‌له‌ى له‌سێداره‌داين جاروباريگ وه‌ گوله‌ ئه‌نجام ئه‌دريه‌ێد ك په‌نج كه‌س روى له‌لى ئه‌كه‌ن له‌ هه‌مان وه‌خت و دوياخريش سه‌رى بڕن و له‌ناو جاده‌ ئه‌كه‌نه‌ى دارا له‌وه‌رچه‌و مه‌ردم و لاشه‌گه‌يش ئه‌خه‌نه‌ بان جاده‌گه‌ تا سه‌ياره‌ بتلنێده‌ى.

له‌ناو سه‌ياره‌يل كرايه‌يش له‌ ڕقه‌، بيجگه‌ سروود وه‌ باڵاى ئه‌بو به‌كر به‌غدادى سه‌ركرده‌ى داعش هويچ چشتيگ تر ناژنه‌فێدو جوور رخه‌وبه‌ر دوشمنه‌يلى تاريفى ئه‌كه‌ن و له‌هه‌مان وه‌خت تونڕه‌وه‌يليش ناچار گشت كه‌سيگ ئه‌كه‌ن گووش له‌ به‌رنامه‌يل راديۆگه‌يان بگرێد.

له‌ى باوه‌تيشه‌و، شوفێر سه‌ياره‌يگ تاكسى ئويشێد: هه‌ر شوفێريگ ك ئافره‌تيگ جيواز بكا وه‌بى ئه‌وه‌گ كه‌س وكارى وه‌ليا بوون سزاى 30 جه‌ڵده‌ ئه‌خريه‌ێده‌ بانى.

وه‌ل ئه‌وه‌يشا ئافره‌ته‌يل بيگانه‌و ئافره‌ته‌يل سوورى سه‌رپه‌رشى و چه‌وديرى ژنه‌يل ڕقه‌ ئه‌كه‌ن وه‌ گووه‌رى شايه‌تى خود ئه‌و ئافره‌ته‌يله‌ ك ئه‌و گرته‌ى ڤيديۆييه‌ ئه‌نجام دانه‌.

داڵگ عه‌مرانيش ئويشێد: ئافره‌ته‌يل بيگانه‌ پله‌و پايه‌يان له‌ ئافره‌ته‌يل سوورى به‌رزتره‌و ئه‌تويه‌نن گشت ئافره‌تيگ بووسنن و موحاسبه‌ى بكه‌ن له‌بان پووشته‌يى و جاروباريگيش ژنه‌يليش له‌ ناو سه‌ياره‌وه‌ فڕه‌ ئه‌يه‌نه‌ خواره‌و جوور سزاداين.


Source link

About Hooshyar

Check Also

Teqînek li Mogadishu Piştî Serdana Miller Herî Kêm 7 Kesan Dikuje

Teqîneke mezin li Mogadishu ya paytexta Somalê roja Înê herî kêm 7 kes kuştin û …

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *