شه‌ويگ ترسناك له‌ پايته‌خت نوير

ده‌نگ قيژه‌ی ئه‌مپوڵانس ئاگادارم كرد ك چشتيگ له‌ پاريس روێداگه‌ له‌ شه‌و جومعه‌ی گوزه‌يشت.

له‌ سه‌ره‌تا ده‌نگ زڵه‌ی دو سه‌ياره‌ی ته‌واری هاته‌ گووشم له‌ نزيكه‌ی سه‌عات ١٠ی شه‌و، دوياخريش ئه‌و ده‌نگه‌ وه‌رده‌وام بوی و دی زانستم ئه‌و ده‌نگ وه‌رده‌وام سه‌ياره‌يله‌ دوير نيه‌ له‌ ناوه‌ند بومبيدو وه‌ره‌و مه‌يدان كۆماری.

دی ده‌س كردمه‌ خوه‌نينه‌وه‌ی راپۆرته‌ هه‌واڵه‌يل و ده‌نگ ته‌قينه‌وه‌ی گه‌ورايگ ئه‌رام ئاشكرا بوی له‌ نزيك وازيگای فره‌نسا ك وازييگ تووپان له‌ناونی هه‌ردوگ هه‌ڵوژارده‌ی فره‌نسا و ئه‌ڵمانيا بوی و ئاماژه‌ وه‌ ئه‌وه‌يش كريا ك پيشبينی ئه‌كريه‌ێد فرانسوا هولاند ئاماده‌ی ئه‌و وازيه‌ بدێ.

له‌ شوون چه‌ن ده‌قه‌يگ هه‌واڵه‌يل ئاماژه‌ وه‌ ئه‌وه‌ كردن ك بريگ بارمه‌ته‌ له‌ هۆڵ نمايشكردن شانۆگه‌ری له‌ ناوه‌ند باتاكلۆن ده‌سوه‌سه‌ر كريانه‌، ك ئه‌ويش دوير نيه‌ له‌ ناوه‌ند بومبيدو، دی ئه‌وسا ئه‌رام ده‌ركه‌فت ك سه‌ياره‌يل ئه‌مپوڵانس و تواری روی له‌ورا كردنه‌.

له‌ ئه‌وه‌يشه‌و ده‌وريه‌يل پۆليس له‌ گشت لايگه‌و كه‌فتنه‌ جموجويل له‌ ناوچه‌ی ده‌ورگرد لۆماری و ئابڵوقه‌ی ناوه‌ندگه‌ وه‌ ته‌مامی دريا و له‌ هه‌مان وه‌خت تويه‌نريا له‌ڕی جاده‌يل فه‌رعيه‌و بڕه‌سێده‌ جاده‌ی بومارشيه‌.

وه‌لێ يه‌كه‌يليگ له‌ هيزه‌يل تايبه‌ت وه‌ چه‌كه‌و ده‌ركه‌فتن و يه‌يش ئه‌وه‌ ده‌رخست ك رويداگيگ فريه‌ مه‌ترسيدار روی ئه‌ياد له‌وه‌ختيگ ك ئه‌و يه‌كه‌يله‌ قه‌يه‌غه‌ی هامشوو مه‌ردم كرديان له‌ ده‌ورگرد ئه‌و شوونه‌.

جاريگ هيمان رووژنامه‌نويسه‌يل نه‌ڕه‌سوينه‌ شوونه‌گه‌و دوياخر هووكاره‌يل ره‌سانن هاتن و ره‌سين له‌وه‌ختيگ پۆليس وه‌رجه‌ ٣ سه‌عات ره‌سيه‌ ناو هۆڵ نمايشه‌گه‌.

پياوه‌يل پۆليس له‌ گشت شوونيگ بڵاوه‌ له‌لی كردوين له‌ناونی مه‌يدان بومارشيه‌ و فولتيرز و گشت جاده‌يل سه‌ره‌كی و لاوه‌كييش به‌سياوێدو ته‌نانه‌ت گشت ڕيه‌یيليش و مه‌يدان بومارشيه‌يش پڕ بوی له‌ سه‌ياره‌يل پۆليس و سه‌ياره‌يل ئه‌مپوڵانس و ته‌واری و سه‌ياره‌يل پويچه‌ڵكردن مين.

گشت ئه‌وه‌يش له‌ دويری ٥٠ ده‌قه‌ بوی وه‌پا له‌ باڵه‌خانه‌ی شانۆ باتاكلۆنه‌و، ك له‌ هه‌مان وه‌خت فريه‌ ناڕه‌حه‌ت و ناتوانا بويم له‌ ژنه‌فتن هه‌ر ده‌نگ روێداگيگ له‌و وه‌خته‌.

ئه‌وه‌ بوی پۆليس داوا له‌گشت مه‌ردم ناو چاه‌يخانه‌ی “لا رويال” كرد وه‌ هه‌ڵه‌په‌ڵه‌ شوونه‌گه‌ بيلنه‌ جی تا بكريه‌ێده‌ نه‌خوه‌شخانه‌يگ مه‌يدانی ئاماده‌ ئه‌را پيشوازيكردن له‌ زه‌خمداره‌يل.

نيم سه‌عات وه‌پی چی و نه‌زانستم ئه‌و هيزه‌يل چنه‌ ناو باڵه‌خانه‌ی شانۆگه‌ يا نه‌ء، وه‌ل ئه‌وه‌يشا سه‌ياره‌يل تر ته‌واری ره‌سينه‌ هه‌مان شوون.

ئمجا شوفێر سه‌ياره‌يگ ك ره‌نگی په‌شووكياوێد له‌ ترس و له‌وه‌ختيگ خاڵيگ ئاسايشی وه‌ سه‌ياره‌گه‌ی شكان و ئه‌وانيش تقه‌ له‌لی كردن و تواسن نواگيری له‌لی بكه‌ن.

وه‌ل ئه‌وه‌يشا سه‌ياره‌ل ئه‌مپوڵانس يه‌ك له‌ شوون يه‌ك ده‌سكردنه‌ جيوازكردن زه‌خمداره‌يل و له‌ ماوه‌ی ١٠ ده‌قه‌ ده‌يه‌ها تويشهاتگ جيواز كريان و بڕيگ له‌ليان حاڵه‌تيان فريه‌ خراو بوی و يه‌كيگ له‌ليان مرد و ته‌رمه‌گه‌ی خستنه‌ ناو قوماش چه‌رمگيگ.

دی ئه‌وه‌ بوی له‌ نزيك سه‌عات يه‌ك ده‌مه‌و شه‌وه‌كی فرانسوا هولاند سه‌رۆك فره‌نسا ره‌سيه‌ جاده‌ی بومارشيه‌ و ئاشكرا بوی ك مه‌سه‌له‌ی قورتاركردن بارمه‌ته‌يل كووتايی وه‌پی هاتگه‌ ك هه‌رچه‌نی زه‌خمداره‌يل فريه‌يگيش له‌ جيوازكردن وه‌رده‌وام بوی ئه‌را نه‌خوه‌شخانه‌ی مه‌يدانی.

فيكتور نخزين

بی بی سی – روسی


Source link

About Hooshyar

Check Also

Li Leîpzîgê qedexekirina PKK’ê hate protestokirin

Kurdistanî û dostên wan ên di saet 13:00’an de li ber HBF Leîpzîgê kom bûn, …

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *