بڕين مووچه‌ی بنديواريه‌يل هه‌وه‌جه‌ وه‌ ئه‌مريكا ديريد

له‌ی باوه‌ته‌و، گووڤار “واشنتۆن ئیگزامینەر” له‌ زووان برێت مه‌كگۆرك نوێنه‌ر سه‌رۆك ئه‌مريكا له‌ هاوپه‌يمانی ناوده‌وڵه‌تی دژ وه‌ داعش له‌ راپۆرتيگ ك(شه‌فه‌ق نيوز)ئاگاداری بوی، ئه‌وه‌ ده‌رخست ك حكومه‌ت عراق كار ئه‌را بڕين مووچه‌ی ئه‌و ئه‌ندامه‌يل ناو ڕزه‌يل سوپاى وڵاته‌گه‌ی ئه‌كا ك گله‌و نه‌خواردنه‌ ئه‌را ناو سوپاو پۆليس.

نوێنه‌ره‌گه‌ی ئۆباما له‌ هاوپه‌يمانی ناوده‌وڵه‌تی ئه‌را جه‌نگ داعش باس له‌وه‌يش كرد و وت: له‌وه‌ختيگ ك وڵاته‌يل يه‌كگرتگ ئه‌مريكا بڕيار كلكردن هيز فيشتر دا ئه‌را عراق، ئه‌و هيزه‌يله‌ راوێژكار له‌تيان وجوود ديريد ك هاوكاری سوپا ئه‌كه‌ن له‌ پلان ئداری و وه‌ڕيه‌وبردن و كومه‌ككردن لۆجيستی ناو ڕزه‌يل سوپا.

مه‌كگۆرك له‌باوه‌ت بڕين مووچه‌ی بنديواريه‌يل ك له‌ناو عراقيه‌يل وه‌ “فه‌زائيه‌يل” ناسريانه‌ وت: ليست مووچه‌ی ناو ڕزه‌يل سوپا بوه‌تيگه‌ حكومه‌ت عراق له‌ ئيسه‌ كار له‌بانی ئه‌كا، وه‌لی ئيمه‌ ده‌سميه‌تيان ئه‌يه‌يم تا ماوه‌يگ دوير و دريژ.

ئی هه‌وڵه‌يل ئداره‌ی ئه‌مريكايشه‌ له‌وه‌ختيگه‌ ك عه‌باس به‌ياتی سه‌رۆك هاوپه‌يمانی ليست ده‌وڵه‌ت ياسا له‌ ١٨ی مانگ كانوون يه‌كه‌م ئمساڵ داوا له‌ هه‌ردوگ وزاره‌ت وه‌رگری و ناوخوه‌يی عراقی كرد ڕی وشوون تون بگرنه‌ وه‌ر له‌ دژ ئه‌و كارمه‌ند و سه‌رباز و پۆليسه‌يله‌ ك بندواريين و هويچ ئه‌ركيگ جيوه‌جی ناكه‌ن و مووچه‌ وه‌رئه‌گرن.

جی باسه‌، زويتريش هه‌ر له‌ی باوه‌ته‌و حه‌يده‌ر عبادی سه‌رۆك وه‌زيره‌يل عراق له‌ڕووژ ٣٠ ته‌شرين دويه‌م ساڵ ٢٠١٤ ئاشكرايكرد ك ناو ٣٠ هه‌زار كارمه‌ند بنديواری له‌ناو ڕز هيزه‌يل سه‌ر وه‌ وزاره‌ت وه‌رگری لاورياگه‌.

ج . أ


Source link

About Hooshyar

Check Also

Her bingehek leşkerî dê aramanca êrîşên me be

Enstitûya Karên Ewlehiya Netewî ya Îsrail her sal konferansek nevnetewî li dar têxe. Îsal jî …

Leave a Reply

Your email address will not be published. Required fields are marked *