عبادی: “دڵم خوين تكنێ” – شـه‌فـه‌ق نيـوز

كوشك چه‌رمگ ئه‌مریكا، ئمڕوو دوشه‌ممه‌، به‌یاننامه‌ێگ ده‌ركردگه‌ و وتگه‌، بایدن له‌ په‌یوه‌ندی تلیفۆنیێگ وه‌ل سه‌رۆك وه‌زیره‌یل عراق حه‌یده‌ر عبادی ستایش قوربانیدان هێزه‌یل عراقی له‌ ماوه‌ێ یه‌ك ساڵ و نیم گوزه‌یشته‌‌ له‌ ڕومادى و ناوچه‌یلتر عراق كردگه‌.

بایدن هه‌میش ستایش له‌ بڕیار په‌رله‌مان عراق كردگه‌ ك له‌ 19ێ ئی مانگه‌ له‌ باوه‌ت گرده‌وكردن هێزه‌یل زیاتر و خه‌ڵات كردن خانه‌واده‌ێ قوربانیه‌یل و قه‌وڵ داگه‌ ك ئه‌مریكا وه‌رده‌وام بوود له‌ پشتگیری كردن عراق له‌ ته‌قالايه‌يلێ ئه‌ڕا ئازاد كردن سه‌رجه‌م خاك عراق له‌ ده‌س چه‌كداره‌یل داعش، وه‌تایبه‌ت له‌ بوار مه‌شق وه‌پیكردن هێزه‌یل عراقی و فه‌راهه‌م كردن ساز و به‌رگ سه‌ربازی ئه‌ڕا سوپای عراق.

به‌یاننامه‌گه‌ له‌ شوون ئه‌وه‌ ده‌رچگه‌ ك سه‌رۆك وه‌زیره‌یل عراق حه‌یده‌ر عبادی، ئه‌ڵاجه‌ويی خوه‌ێ له‌ لێدوانه‌یل وه‌زیر وه‌رگری ئه‌مریكا ئاشتون كارته‌ر نیشانداگه‌ ك ئاماژه‌ وه يه‌ كردگه‌، هێزه‌یل عراقی ئراده‌ ئه‌ڕا جه‌نگ وه‌ل داعش نه‌یاشتنه‌ له‌ جه‌نگ ڕومادی.

عبادی له‌ دیمانه‌ێگ وه‌ل ئاژانس ده‌نگوباس بی بی سی وه‌زووان ئنگلیزی وتگه: سه‌رم سڕ مه‌نگه‌ له‌ قسه‌گان وه‌زیر وه‌رگری ئه‌مریكا و ئاماژه‌ وه‌یه‌یش كردگه‌ ك زانیاره‌یل كارته‌ر هه‌ڵه‌ بويه‌.

سه‌رۆك وه‌زیره‌یل عراق نگه‌رانی خوه‌ێ له‌ كۆنترۆڵ كردن شار ڕومادی له‌ لايه‌ن چه‌كداره‌یل داعش نیشانداس و وتگه‌ : “دڵم خوين ئه‌ده‌ڵنێ” و قه‌وڵیش داگه‌ وه‌ی زويه‌ ڕومادی ئازاد بكا.

قسه‌كه‌ر وه‌ناو حكومه‌ت عراقی لای خوه‌یه‌وه‌ وتگه‌: قسه‌گان كارته‌ر جێ سه‌ر سوێڕمان بوێنه‌ و دیاره‌ زانیاری هه‌ڵه‌ دریاسه‌ پێ و پاساو ئه‌ڕا ڕمیان ڕومادی وه‌ده‌س داعش هاوردگه‌ وتگه‌ : كونتروڵ كردن شار ڕومادی له‌ ئه‌نجام خراو ئداره‌ كردن جه‌نگ و لاوازی پلانه‌یل فه‌رمانده‌ سه‌ربازیه‌گان ناو شار ڕومادی بوێه‌.

ئاشتون كارته‌ر وه‌زیر وه‌رگری ئه‌مریكا چه‌ن ڕووژ له‌ێه‌ووه‌ر وت: سوپاێ عراقی ئراده‌ێ جه‌نگ له‌ شار ڕومادی نه‌یاشتگه‌، كارته‌ر له‌ دیمانه‌ێگ وه‌ل CNN ئه‌وه‌ نه‌شاردگه‌سه‌و ك عراقیه‌یل ئراده‌ێ جه‌نگ وه‌ل داعش نه‌ێرن ته‌نانه‌ت ئه‌ڕا وه‌رگری كردن له‌ خوه‌یان و زیاتر وتگه‌: ژماره‌ێ سه‌ربازه‌یل عراقی كه‌م نه‌ويه، به‌ڵكم فریه‌ زیاتر له‌ چه‌كداره‌یل داعش بوينه‌، وه‌لێ خوه‌یان شاره‌گه‌ چووڵ كردنه‌.

كارته‌ر له‌ بان یه‌یش جه‌خت كردگه‌ ك ئه‌مریكا ئه‌تويه‌نێ عراق پڕچه‌ك بكا، وه‌لێ بێ گومان ناتويه‌نێ ئراده‌ بیاده‌ پیێان.

وه‌زیره‌ ئه‌مریكیه‌گه‌ باس ئه‌وه‌یش كردگه‌ ك ئه‌مریكا كومه‌ك سه‌ربازی عراق كردگه‌، وه‌لێ ئومیدوارم ك ئراده‌ێ جه‌نگ داشتوون، چوين ئه‌گه‌ر جه‌نگ نه‌كه‌ن، ناتويه‌نن داعش شكست بێه‌ن.

كارته‌ر بوردومانه‌یل ئاسمانی ئه‌مریكا دژ وه‌ داعش وه‌ كاریگه‌ر وه‌سف كردگه، وه‌لێ َوه‌قه‌وڵ خوه‌ێ، ته‌یاره‌ ناتويه‌نێ شوون ئراده‌ بگرێ.

داعش چه‌ن ڕووژ له‌يه‌ووه‌ر تويه‌نست شار ڕومادی ناوه‌ند پارێزگاێ نه‌ینه‌وا كۆنترۆڵ بكا.

 


Source link

About Hooshyar

Check Also

Li Pazarcixê jinek hate kuştin (Anfkurdi)

Li navçeya Pazarcixê ya Meraşê li taxa Ahmet Bozdagê Erdal Bozder, Gulendam Gozu kuşt, ku …

Leave a Reply

Your email address will not be published. Required fields are marked *