سێ وڵات چه‌وێان ها بان ئەو پەتە ك سەدام وه‌پێ خنكنريا

ئيسه‌ ئەو پەتە و بەش بانين پەیكەرەگەێ سەدام لەلاێ موەفەق روبه‌يعی، راوێژكار وه‌رين ئاسایش نەتەوەیی عێراق هەڵگیريانه‌ و له‌شوون ئەوەگ لەساڵ 2013 وێنەێگ خوه‌ێ و ئەو پەیكەرە و پەت سێدارەگە بڵاوه‌وكرد، چەنه‌ها كەس ته‌قالا كردن پەتەگە بارنه‌ ده‌س.

لەناونی ئەو كەسه‌يله‌گ توان پەتەگە بسێنن، بنەماڵەێگ ئسرائیلی، ناوەندێگ ئایینی ئيرانی و دو بازرگان كوەیتی دوينريه‌ن.

سەرچاوەیل هەواڵ باس لەوەكردنە، ئەو كەسه‌يله‌گ كێبڕكێ كەن لەسەر ئەو پەتە تا 7 ملیۆن دۆلاریش پێشنیار خستنەسە وەردەم موەفەق روبه‌يعی، وه‌لێ ناوبرياێ هویچ لێدوانێگ لەوبارەوە نەياس.

چالاكوانه‌یل عێراق وەتوندی رەدیه‌وكەن، ئەو پەتە بخريه‌ێدە زیاێكردن ئاشكراوە.

ئەحمەد سەعید، یەكێگ لە چالاكوانه‌يل سیاسی عێراقی لەو بارەوە وتگە، ئه‌گه‌ر ئەو پەتە بفرووشيه‌ێد، بايه‌سە پويله‌گەێ بخريه‌ێدە خەزێنەی حكوومەت، چوينكه‌ سامانێگ نەتەوەییە.

ساڵی 2013 روبه‌يعی وە رووژنامەێ ئیندیپێندنت بەریتانی وتويد، تا ئەو وه‌خته‌گ مووزەخانەێگ دروس كريه‌ێد ئه‌ڕا نمایش كردن ئاسەوارەیل سەردەم دەسەڵات وه‌رين عێراق، سەر پەیكەرەگەێ سەدام و ئەو پەتە لەلاێ خوه‌ێ هه‌ڵێگرێ.

سەبارەت وە چوينيه‌تی وەدەسهاوردن ئەو پەتيشە وتويد، وه‌ختێگ لە ساڵ 2006 سەدام حسێن وه‌خاتر تاوانەیلێ لە دژ هاوڵاتیه‌یل عێراق لەسێدارەدريا، فەرمانبەرەگانم بەشێگ لەو پەتە ئه‌ڕام هاوردن و منیش له‌بان ئه‌و باوه‌ڕه‌ بويم، فره‌ گونجياگە بكەمەێ مل بەش بانين پەیكەرەگەێ سەدام.

سەدام حسێن لە ناونی ساڵه‌يل 1979 تا 2003 دەسەڵات رەهاێ عێراق وەدەسێەو بوی، لەو ماوە چەنه‌ها تاوان لەدژ ملله‌ته‌يل ئەو وڵاتە، وەتایبەت كورد ئەنجامدا، يە بێگه‌ له‌وه‌گ له‌ڕێ هەڵگیرسانن جه‌نگێگ 8 ساڵە وه‌ل ئيران و پەلامارداين كوەیت نەك هەر هاوڵاتیه‌یل ئەو دو وڵاتە، بەڵكوو عێراقیەگانیش تويش چەنه‌ها نەهامەتی و ماڵوێرانی كرد.

لەساڵ 2003 لە ئەنجام په‌لامار هاوپەیمانه‌يل كووتایی وە دەسەڵات سەدام حسێن هاوريا و له‌شوون ماوەێگ لەخوه‌ێ حەشارداينێ هەر لەو ساڵە دەسگیركريا و له‌شوون چەنه‌ها دانیشتن دادگا، وه‌خاتر ئەو تاوانه‌يلەگ دژ وه‌ هاوڵاتیه‌یل عێراقی ئەنجامێيلت داويد، سزاێ لەسێدارەداين ئه‌ڕاێ ده‌ركريا و لە 30 كانون یەكەم ساڵ 2006 سزاگەێ جێوەجێ كريا.

ا. ج


Source link

About Hooshyar

Check Also

Kanada Vaksîna Pfizer – BioNTechê bo Zarokên 12-15 Salî Dipejirîne

Kanada destûr da vaksîna vîrusa korona ya Pfizer – BioNTechê ku ew bo zarokên temenên …

Leave a Reply

Your email address will not be published. Required fields are marked *